Фиорентина гази сè пред себе, додека Рома тоне сè подлабоко!

10 ноември 2024 - 17:00

Фиорентина ја продолжи победничката низа во Серија А, откако денеска славеше со 3-1 против Верона, додека Рома повторно загуби, и тоа овој пат од Болоња со 2-3.

Кин по само четири минути донесе водство за екипата од Фиренца, но потоа Сердар погоди за израмнување. До крајот на првиот дел не се менуваше резултатот, а потоа Кин со два погодоци обезбеди три бода на Фиорентина.

Двата гола на Ел Шарави не ѝ беа доволни на Рома да избегне пораз на „Олимпико“ од незгодната Болоња, која постигна три погодоци (3-2) преку Кастро, Орсолини и Карлсон.

Фиорентина со денешната победа стигна до 25 бодови и се наоѓа на делба на првата позиција со Аталанта и Наполи, додека Рома го запиша четвртиот пораз на последните пет меча и се наоѓа на 12. место.