Драма со среќен крај за Барселона - со три гола за осум минути ја потопи Селта (ВИДЕО)

23 септември 2023 - 20:37

Актуелниот шампион Барселона беше на праг до пораз против Селта виго, но во драматична завршница со три гола успеа да ги освои бодовите (3-2).

Ларсен испрати одличен удар во десниот долен агол на Барселона и во 19. минута донесе водство за Селта, додека на 2-0 зголеми Дувикас во 76. минута.

Вториот гол на Селта ја разбуди Барселона која набрзо постигна два гола, во 81 и 85. минута, преку Роберт Левандовски, додека пресвртот го комплетира Жоао Кансело во 89. минута.

Барселона по шест одиграни меча има 16 бодови, колку и Жирона, по што следи Реал Мадрид со 15 бода од пет одиграни натпревари.