Дибала стрелец и асистент: Рома славеше против Емполи (ВИДЕО)

12 септември 2022 - 22:41

По дебаклот од Удинезе од 4-0 претходниот викенд, Рома денеска се врати на победите во Серија А откако славеше на гости кај Емполи со 2-1 во рамки на 6.коло. 

Пауло Дибала им донесе водство на гостите во 17.минута со еден прекрасен гол од далечина.

Филипо Бандинели израмни во 43.минута за Емполи. Тами Абрахам ја врати „римската волчица“ во водство од 1-2 во 71.минута по одличниот центаршут на Дибала. Само шест минути подоцна, Рома можеше да ги реши сите дилеми на натпреварот, бидејќи доби пенал, но капитенот Лоренцо Пелeгрини биеше само во пречката. 

Емполи лесно можеше да дојде до израмнување преку Жан Акпа Акпро, но домашниот фудбалер ја погоди стативата од голот на Руи Патрисио. Само неколку минути подоцна овој фудбалер заработи директен црвен картон по невнимателниот старт врз Крис Смолинг.