Човекот кој го создаде „Спотифај“ сака да го купи Арсенал за 1,8 милијарди фунти

04 мај 2021 - 11:37

Основачот на популарната аудио стриминг платформа „Спотифај“, Даниел Ек наскоро ќе испрати официјална понуда до семејството Кроенке за да го купи Арсенал од нив, а има план да го врати во врвот на англискиот фудбал.

Милијардерот сака да испрати понуда од 1,8 милијарди фунти до Кроенке и смета дека тоа ќе биде доволно за да ги задоволи апетитите на газдата на „топчиите“.

Ек сака да го купи клубот, а тој соработува заедно со поранешните фудбалери на Арсенал, Тјери Анри, Денис Бергкамп и Патрик Виеира.

„Ни се јави и ни кажа дека сака да го врати Арсенал на старите патеки, дека сака да го врати клубот во врвот на англискиот клуб. Не постојат вистински луѓе во управата на Арсенал и тоа е проблем за клубот. Се обидуваме да пронајдеме вистинско решение. Ек ги извести и навивачите за интересот, а ова ќе биде долга борба“, вели Анри.