Борусија со подарок-гол до победа и прво место во Бундеслигата! (ВИДЕО)

Борусија Дортмунд ја презеде лидерската позиција во Бундеслигата, откако на гостувањето кај Борусија Менхенгладбах славеше со минимални 1-0 во десеттото коло.

Тимот на Нико Ковач до трите бода стигна благодарение на Феликс Нмеча, кој во 80. минута го постигна единствениот погодок на натпреварот. Со овој триумф, „милионерите“ го искористија киксот на конкурентите и се искачија на првото место, оставајќи го Баерн Минхен зад себе.

Убедливо издание имаше РБ Лајпциг, кој со 5-1 го декласира Унион Берлин на гостински терен. По израмнетото прво полувреме (1-1), гостите целосно доминираа во продолжението и постигнаа уште четири гола. Ромуло, Груда, Рајтц и Баку беа стрелците за седмата победа на Лајпциг оваа сезона.

Баер Леверкузен исто така имаше успешен ден, совладувајќи го Падерборн со убедливи 4-0. Фрајбург со 1-0 славеше на гостувањето кај Елверсберг, додека Ајнтрахт Франкфурт со идентичен резултат беше подобар од Хофенхајм.