Болницата на Реал доби уште два нови члена

12 мај 2025 - 21:12

Безмалку половина екипа на Реал е повредена, а од денеска, поточно од вчерашниот дуел против Барселона, на листата се уште двајца фудбалери.

Станува збор за Лукас Васкез и Винисиус кои не го довршија Ел Класико и го напуштија теренот на неколку минути пред крајот. Васкез замина на клупа во 84. минута поради повреда на препоните, а четири минути подоцна му се придружи Бразилецот кој има истегнување на скочниот зглоб.

Двајцата нема да играат в среда против Мајорка, но со оглед на тоа што идниот месец претстои Светското клупско првенство, не е исклучено да не се појават во тимот на Реал до крајот на Ла Лига.