Бисерот на Барселона се враќа на терен по - четири операции во осум месеци!

04 август 2021 - 17:41

Талентираниот фудбалер на Барселона, Ансу Фати конечно би можел да се врати на теренот откако направи четири операции во последните осум месеци.

По осум месеци пауза и четири операции на коленото, рехабилитацијата на Фати конечно тече во добар правец и се очекува во септември да заигра за екипата.

Шпанските медиуми објавија дека 18-годишното момче влезе во последната фаза од рехабилитацијата на тешката повреда и напредокот е одличен.

Фати дебитираше за каталонскиот клуб уште од 16 години и со своите настапи го воодушеви фудбалскиот свет, но повредата во минатата сезона му создаде проблеми.