Бартомеу најави: Барселона сака да го „ограби“ Манчестер!?

Навивачите на Барселона не се задоволни со лошиот почеток на тимот, па сакаат промени во екипата, а претседателот на клубот, Жозеп Бартомеу кажа дека е подготвен за големо враќање на Пеп Гвардиола

„Знам дека сака да се врати во Барселона, а вратата од Камп ноу му е отворена, зашто е гениј и голем работник“, кажа првиот човек на Каталонците.

Но, Бартомеу го сака и Пол Погба, кој е незадоволен во редовите на „црвените ѓаволи“, па би можел наскоро да се пресели на „Камп ноу“.

„Кога од агентите ќе слушнете дека некој играч е на пазарот, ги повикуваме директорите на неговиот клуб и прашуваме дали е точно. Но, уште размислуваме за Погба“, објасни Бартомеу.

Очигледно, Барселона се подготвува да го земе највредното од Манчестер.