Барса пак удри во ѕид со Билбао, баскијците бараат нереална отштета за Лапорт

Според шпанските медиуми, спортскиот директор на Барселона, Деко, внимателно ја следел ситуацијата на 32-годишниот стопер, па дури и во живо присуствувал на неколку натпревари на шпанската репрезентација, почнувајќи од осминафиналниот дуел во Далас.

Сепак, одговорот од Атлетик Билбао бил јасен и недвосмислен – Лапорт може да си замине само доколку некој ја активира неговата откупна клаузула, која изнесува 80 милиони евра. Тоа е нереална сума за 32-годишен фудбалер, а на Барселона ѝ се повторува сценариото од минатата година кога сакаше да го купи Нико Вилијамс, но Атлетик ги минираше преговорите и на крајот го продолжи фудбалерот со крилниот фудбалер.

Лапорт лани се врати во Атлетик Билбао по комплицираното заминување од Ал Наср. Иако првично имаше административни проблеми со регистрацијата на трансферот, по жалбата на клубот и Шпанската фудбалска федерација, дефанзивецот повторно го облече дресот на баскискиот тим, осум години по заминувањето. Искусниот стопер беше еден од најдобрите поединци на Шпанија на Мундијалот, формирајќи одличен тандем во одбраната со Пау Кубарси. Селекторот Луис де ла Фуенте уште од своето доаѓање му укажа голема доверба, а Лапорт повторно ја оправда со сигурни партии.

Во изминатиот период неговото име беше поврзувано и со Реал Мадрид, но според информациите, „кралскиот клуб“ не започнал конкретни преговори. Слична ситуација имаше и по неговата прва сезона во Саудиска Арабија, кога се шпекулираше дека сака да се пресели на „Сантијаго Бернабеу“, но трансферот никогаш не влезе во сериозна фаза.

Лапорт, кој има 54 настапи за шпанската репрезентација од Европското првенство во 2021 година наваму, има уште две години договор со Атлетик Билбао, а клубот нема намера лесно да се откаже од еден од своите најважни фудбалери.