Се комплицира трансферот на Диоманде, Лајпциг не прифаќа 100 милиони евра

Во моментов нема договор меѓу двата клуба, а токму поради тоа Реал нема контрапонуда на која би можел да возврати во преговорите.

Диоманде не беше ниту на клупата на Лајпциг на вчерашниот пријателски натпревар, што дополнително ги засили шпекулациите дека неговото заминување е прашање на време. Младиот репрезентативец на Брегот на Слоновата Коска чека „зелено светло“ од германскиот клуб за да отпатува во Мадрид, каде треба да ги мине лекарските прегледи и да потпише договор со „кралскиот клуб“.

Реал претходно испрати понуда вредна 90 милиони евра како фиксна сума, плус дополнителни 10 милиони евра преку бонуси, но таа беше одбиена. Лајпциг останува на ставот дека за разделба со својот бисер треба да добие вкупно 130 милиони евра, при што најголемиот дел од сумата треба да биде загарантиран, а не условен со бонуси.

Интересот на Реал за 19-годишниот офанзивец не е изненадување ако се земат предвид неговите настапи во дебитантската сезона. Лајпциг минатото лето го доведе од Леганес за 20 милиони евра, а Диоманде веднаш се наметна како еден од најдобрите играчи во тимот.

Во сезоната 2025/26 одигра 36 натпревари во сите конкуренции, постигна 13 голови и запиша девет асистенции. Во Бундеслигата настапи на 33 средби, на кои реализираше 12 погодоци и деветпати асистираше. Неговиот договор со Лајпциг е со важност до летото 2030 година.