Урош Медиќ е неверојатен, спектакуларна победа на УФЦ настанот во Белград! (ВИДЕО)

01 август 2026 - 21:45

Српскиот борец, Урош „Доктор“ Медиќ имаше фантастичен настап на првиот УФЦ настан одржан во Белград, тој за само 30 секунди го нокаутираше Даниел Родригез.

Мечот меѓу Урош Медиќ и Даниел Родригез беше главната борба на УФЦ настанот кој се одржа во Србија.

Во преполната арена домашната публика виде неколку свои борци, а главното шоу беше на крајот кога се појави најглемиот, Урош Медиќ.

Тој на спектакуларен начин го победи Родригез и предизвика делириум во салата која долго го скандираше неговото име.

Урош Медиќ во УФЦ има 13 победи и три порази, во говорот по победата најави дека сака да го донесе шампионскиот појас во Србија. Полека се промовира во елитен УФЦ борец, па се чини дека неговата цел е достижна.