Баерн првпат по шест години ќе игра полуфинале во Купот на Германија!

Лајпциг прв се израдува на гол, но погодокот на Баумгартнер во четвртата минута од мечот беше поништен од ВАР поради офсајд.

Баварците долго време се мачеа да го скршат отпорот на гостите, тоа конечно се случи во 64. минута кога добија пенал, а реализатор беше Хари Кејн.

Само три минути подоцна стигна и вториот гол, Диаз зголеми на 2-0, што беше и конечен резултат.

Откако ја создадоа солидната предност, фудбалерите на Баерн рутински го однесоа мечот до крајот.