Атлетико ги купи Галагер и Алварез, па му продаде напаѓач на Челси

07 август 2024 - 20:52

Неверојатниот домино-ефект конечно беше комплетиран вечерва, откако Атлетико Мадрид ги обезбеди потписите на Конор Галагер од Челси и Хулијан Алварез од Манчестер сити, по што му продаде напаѓач на гигантот од Лондон.

Челси го имаше последниот потег во ситуацијата, која заврши позитивно и го доби потписот на Саму Омородион за 35 милиони фунти.

Омородион претходно се договори на седумгодишна соработка, па откако ќе ги помине медицинските прегледи, ќе биде промовиран во новиот тим.