Арсенал речиси девет месеци не е поразен на гости, Артета блиску до рекордот на Венгер

16 септември 2024 - 09:57

Иако има големи проблеми со повредени фудбалери, Арсенал го одржува чекорот со Манчестер Сити пред дербито со овој тим претстојниот викенд.

Триумфот над Тотенхем како гостин ја продолжи серијата на „топчиите“ без пораз надвор од својот стадион. Последен пат, во рамките на Премиер лигата, Арсенал е поразен на гости на 31 декември 2023 година од Фулам со 1-2. Тоа се вкупно 11 натпревари по ред без пораз меѓу кои се остварени 10 победи и едно реми.

Освен ова, Арсенал е во серија од шест победи на гостински терен, па Микел Артета сега е на само два триумфа од клупскиот рекорд кој го држи Арсен Венгер од 2013 година.