Сити пак казнет, Ливерпул отиде на +5 (ВИДЕО)

09 ноември 2024 - 23:08

За само една недела, од негатива од еден бод, Ливерпул отиде на +5 во однос на Манчестер Сити поради двата пораза во низа на актуелниот англиски шампион.

Во последниот натпревар од денешната програма, „црвените“ ја совладаа Астон Вила со 2-0 и на двонеделна пауза одат со 28 бода, пет повеќе од Сити што може да има големо значење во натамошниот дел од сезоната. Ливерпул има само еден пораз сезонава и тоа од Нотингем Форест, претрпен на 14 септември на домашен терен.

Денеска во главна улога беше напаѓачкиот тандем Нуњез-Салах. Колумбиецот го отвори резултатот во 20. минута на асистенција на Салах кој и покрај тоа што беше срушен на противничката половина успеа да додаде до својот соиграч, а во 84. минута египетскиот фудбалер стави точка на мечот за деветти триумф на Ливерпул оваа сезона во Премиер лигата. По паузата, „црвените“ гостуваат кај последнопласираниот на табелата Саутемптон што ќе биде шанса да ја задржи или зголеми предноста во однос на конкурентите.