Арсенал на Обемејанг му понуди 250.000 фунти неделно!
Обемејанг влее во последната година од својот договор и ако не прифати нова соработка идното лето ќе си замине како слободен играч, а веќе од јануари може да ја договори новата дестинација.
Поради тоа, Арсенал е решен да го „одврзе ќесето“ за да го задржи својот херој од саботното финале во ФА-Купот, па планира да му даде еден милион фунти месечно или 12 милиони годишно.
Задржувањето на Обемејанг е приоритет на Микел Артета, кој околу него сака да го изгради новиот Арсенал, па поради тоа планира да се ослободи од низа фудбалери, за да отвори простор и во буџетот, ама да собере пари и за добри засилувања со цел „топчиите“ во следната година да имаат многу поконкурентен тим.