Аргентина остана без уште една ѕвезда за дуелите со Бразил и Уругвај

19 март 2025 - 21:07

Репрезентацијата на Аргентина пред неколку дена остана без најголемата ѕвезда Лионел Меси, а денеска уште еден фудбалер отпадна од списокот за квалификациските натпревари за Светското првенство (СП).

„Гаучосите“ ќе бидат и без фудбалерот на Интер, Лаутаро Мартинез на дуелите против Бразил и Уругвај, откако почувствувал болка во мускулите на денешниот тренинг.

Новинарот Фабрицио Романо објави дека Мартинез го напуштил кампот на Аргентина и ќе се врати во Милано, каде што ќе продолжи со медицински третмани.