Антонио со четири гола го торпедираше Норич за злато вредна победа на Вест Хем (ВИДЕО)

11 јули 2020 - 15:22

Фудбалерот на Вест Хем, Михаел Антонио, денеска беше нерешлива енигма за екипата на Норич, постигнувајќи четири гола за убедлива победа на својот тим од 4-0.

Со оваа победа избраниците на Дејвид Мојс се на чекор до обезбедување опстанок во Премиер лигата, и на три кола до крајот имаат шест бода повеќе од 18-то пласираниот Бормут, кој се наоѓа во опасната зона.

Злато вредна победа извојува и Вотфорд, кој дома со пресврт го доби Њукасл и сега има исто бодови како и Вес Хем.