Ангеловски може да здивне: Нашиот Елмас не е меѓу заразените во Наполи!

Ова е одлична вест за македонскиот селектор Игор Ангеловски, бидејќи значи дека нашиот Елиф Елмас, барем засега, не е во опасност да го пропушти претстојниот дуел против Косово на 8 октомври, кој е претпоследна пречка на патот кон Евро 2020. Ако оваа информација биде потврдена и со утрешниот трет тест, тогаш нашиот стручен штаб дефинитивно ќе може да здивне по стресните неколку дена, со оглед што ризик од можна зараза со Ковид-19 имаше и кај Горан Пандев, со оглед што во неговата Џенова во моментов има дури 19 позитивни на коронавирусот.

Капитенот викендов нема обврска со оглед што е одложен мечот на неговиот тим против Торино, додека за Елмас преостанува обврската да се одмерат силите в недела против Јувентус, по што ќе може да дојде на првиот собир на националната селекција, закажан за ден подоцна.