Алкараз го совлада Музети и ќе ја „лови“ првата титула во Рим!

16 мај 2025 - 18:07

Шпанскиот тенисер Карлос Алкараз славеше против Лоренцо Музети со 2-0 во сетови, односно 6-3 и 7-6 со што се пласира во финалето на мастерсот во Рим, каде што ќе ја „лови“ првата титула на престижниот италијански турнир.

Алкараз доминираше во првиот сет и направи два брејка на противнички сервис за предност од 4-1, сепак Музети во следниот гем возврати и се понадева дека може да направи пресврт. Шпанецот не дозволи такво сценарио, па во продолжение од сетот направи уште еден брејк и славеше со 6-3.

Музети тргна подобро од ривалот во вториот сет и водеше со 4-2, но Алкараз ја надополни негативата и се избори за тај-брејк, каде што беше подобар со 7-4 и се пласира во финале.

Шпанецот во финалето ќе се бори со победникот од дуелот меѓу Јаник Синер и Томи Пол.

Фото: EPA PHOTO