Алавес во последните секунди го „нокаутираше“ Реал Мадрид (ВИДЕО)

06 октомври 2018 - 20:38

Реал Мадрид продолжи да се срами, па веќе неколку натпревари не знае за победа, откако денеска загуби од Алавес со 1-0.

„Кралевите“ дефинитивно во последниот период не играат како што треба, а тоа го покажуваат нивните резултати. Во Ла Лига немаат триумф во последните три натпревари, а не се покажаа ниту во Лигата на шампиони, каде што загубија од ЦСКА Москва.

Реал на гостувањето правеше притисок против Алавес, но патот до нивната мрежа не можеа да го пронајдат, а тоа знаеше да го искористи домашната екипа, која постигна гол во 95. минута преку Ману Гарсија за триумф од 1-0.