Барса може да остане без големото летно засилување: Агентот на Олмо на преговори во Англија

Каталонскиот клуб се соочува со финансиски проблеми, но некако успеа да направи простор во буџетот за плати и да го регистрира новиот фудбалер, па тој беше еден од најдобрите во „есенската“ полусезона. Сега повторно се појавуваат проблеми, Барселона мака мачи како да го регистрира за вториот дел, а рокот за тоа полека истекува. Ако не успее до средината на јануари, Олмо ќе биде слободен да си замине.

Ситуацијата со големо внимание ја следат Манчестер Сити и Арсенал, а дека во приказната има нешто, сведочи денешното присуство во Англија на менаџерот на Олмо, Енди Бара. Тој е во Манчестер каде денеска го следеше дуелот меѓу Сити и Евертон, но британските медиуми тврдат дека се зборувало и за судбината на Олмо.

Најстрашно од се за Барселона е тоа што плејмејкерот може да си замине бесплатно, па клубот ќе остане без 55 милиони евра колку што плати за него летоска.