Ајакс доживеа тежок дебакл, навивачите удрија по - Хрват!

АЗ Алкмар го победи Ајакс со 6-0 и го исфрли од холандскиот куп, а на мета на навивачите е хрватскиот фудбалер Јосип Шутало.

За Шутало ова беше прв меч по враќање од подолга пауза поради повреда, но фановите на Ајакс немаа милост за Хрватот.

„Шутало е толку лош. Една сезона одигра добро, но тоа не смее да не залаже. Ако после ова некој го брани Шутало... Тој е толку лош, многу ме изнервира“, напиша еден навивач на Твитер.

„Ни треба голема реконструкција ако сакаме да бидеме сериозни. Шутало е еден од првите кој мора да го напушти Ајакс. Носете го од мојот клуб додека не е доцна“, додаде друг.