Втората лига ќе биде „прволигашка“ - преполна со звучни клубови!

31 мај 2026 - 19:25

Втората македонска фудбалска лига (ВМФЛ) во идната сезона ќе изгледа како некогаш што изгледала Првата, во неа се многу клубови кои оставиле траг во нашиот фудбал.

По денешните баражи комплетиран е изгледот на Првата и на Втората лига, а она што паѓа во очи се второлигашите.

Денеска испаднаа Пелистер и Брера, а од претходно во ранг подолу се преселија Работнички, Македонија Ѓорче Петров и Шкупи. Тоа се пет големци.

Во Втората лига веќе се и клубови како Беласица, Охрид, Осогово, Тетекс, Кожуф... кои своевремено беа прволигаши. 

Идната сезона ВМФЛ според имињата ќе биде супер атрактивна, а според играта - се знае каков е квалитетот на македонскиот фудбал.

Сезона 2026/27

Втора лига: Пелистер, Работнички, Македонија ЃП, Брера, Шкупи, Беласица, Охрид, Осогово, Тетекс, Кожуф, Горно Лисиче, Камјани.

Прва лига: Вардар, Шкендија, Силекс, Струга, Тиквеш, Башкими, Арсими, Брегалница, Скопје, Шкендија Арачиново.