Вардар Неготино донесе уште две засилувања за новата сезона во Втората лига

Нови членови на неготинци од денеска се голманот Стефан Тасев, младински репрезентативец кој доаѓа од Македонија ЃП и беше во сенка на недопирливиот Христијан Стевковски. Нов член од денеска е и Аделин Казимов, кој во Неготино доаѓа од радовишки Детонит и е трет фудбалер од овој клуб што летово се сели во Вардар.

Пред него, Дарко Алексовски – Пеле и Мартин Димовски – Робен дојдоа од Детонит во Неготино, а Вардар се засили и со млад голман од скопскиот имењак Илија Апостоловски, како и со напаѓачот на Охрид, Кристијан Костовски.