Потоп на Вардар во Струмица: Пандевци за пола час решија сѐ (ВИДЕО)

18 април 2021 - 13:54

Најтрофејниот македонски клуб Врадар доживеа вистински потоп за пола час во Струмица во новото дерби за опстанок, откако Академија Пандев им даде три гола во тој период и стигна до убедливи 3-0, практично решавајќи го прашањето за победникот на овој меч, по што црвено-црните ќе останат претпоследни на табелата.

Струмичани со два пенали и една кардинална грешка на одбраната успеаа да стигнат до убедливата победа со која се враќаат на победничкиот колосек, а повторно ќе бидат три бода над зоната за баражи, ама сега дури шест од зоната во која беа до пролетва, во зоната за испаѓање.

Марјан Радески во 14-та погоди од пенал после игра со рака на Бојан Најденов, Марио Крстовски во 24-та ја искористи големата грешка за да го дуплира водството, а Ѓорѓи Стоилов во 34-та ги дотолчи црвенк-црните со погодок од вториот пенал што им беше свирнат на Пандевци.