Пелистер се засили со напаѓач кој првпат ќе игра во Македонија

19 јануари 2026 - 17:37

Eкипата на Пелистер се подготвува за битката за опстанок која ги чека во пролетниот дел од сезоната, а сега го потврдија и петтото засилување.

Ново име во Пелистер е Филип Петровиќ кој пристигнува од Раднички Пирот.  За Петровиќ кој има 25 години и игра како напаѓач ова е прво искуство надвор од српскиот фудбал. Пред Раднички Пирот играше уште за: Свилијанц, Мешево, Кусијево и Крагуевац каде што ја почна кариерата.

Пред него во Битола пристигнаа неговите сонародници, Милан Србијанц и Лука Милојевиќ, македонскиот дефанзивец, Кире Ристевски и поранешнот младински репрезентативец, Томче Гроздановски.