МВР го казни ФК Охрид со 30.000 евра за средбата против Вардар!

09 март 2022 - 10:55

Фудбалскиот второлигаш Охрид добил платни налози за глоба од Министерството за внатрешни работи (МВР) во износ од 30.000 евра поради инцидентите кои се случиле на неодамнешната средба на овој тим против Вардар (0-0).

Охриѓани се санкционирани според Законот за спречување на насилство на спортските терени и тоа поради, меѓу другото, немање доволен број редари со оглед што на трибините се нашле и навивачи на гостинската екипа. Една од причините за тоа е фактот што обезбедувањето не успеало да спречи контакт помеѓу популарните „Комити“ и останатата публика на стадионот.

Платни налози за глоба, кои биле изречени за клубот и за одговорните лица, се од огромен износ, особено за второлигаш, поради што на Охрид му се заканува финансиски колапс.

ФОТО: Охрид Скај