Македонија Ѓорче Петров изненадена од Саса, Осогово остана непоразен во Штип!

Домашниот тим прв дојде до водство со голот на Славков во 36. минута. Заминаа „лавовите“ со предност и на паузата.

По десет минути игра во второто полувреме мрежата на домашниот тим ја погоди Таневски. На крајот тој резултат се покажа и како конечен.

Брегалница која исто така имаше одличен старт на првенството за првпат не победи и ремизираше со Осогово 1-1. Ваквата ситуација му одеше во прилог на Арсими кој со триумфот од 1-0 над Новаци се приклучи во борбата за врвот.

Во останатите натпревари Борец дома беше подобар од Вардарски со 3:1, Детонит го совлада Скопје со минимални 1:0, Кожуф со 3:2 се радуваше против Гевгелија, а гостинска победа забележа Башкими со Охрид 0:1