Љуботен и Тиверија Брера утре ќе се борат за пехарот во Купот на Македонија

13 мај 2025 - 15:21

Фудбалерките на Љуботен и Тиверија Брера утре од 14 часот ќе се соочат на тренинг-центарот „Петар Милошевски“ во Скопје во броба за пехарот во Купот на Македонија.

Фудбалската федерација на Македонија (ФФМ) соопшти дека влезот за публиката на финалниот меч е бесплатен, а пренос од натпреварот ќе има и на „МТВ 3“.

Тиверија Брера на патот кон финалето ги елиминираше Билјанини Извори (21-0), Атлетико (5-0) и Скопје 2014 (1-0), додека Љуботен беше подобар од Порече 2025 (21-0), Вардар 2023 (8-0) и Каменица Саса (2-0).