Куп на Македонија: Шкендија конечно победи, Ренова се спаси и преку пенали во осминафинале!
Тетовци после очајот во Европа и ужасниот старт во Првата лига, успеаа да дадат гол од игра преку Фелипе, првенец за бившиот вардарец, со што си го отворија патот кон триумфот, а Омар Имери, Бесарт Ибраими и Реџепи погодија уште во мрежата на домаќините за да ја запишат убедливата победа и да го минат воведното коло во Купот.
Тетовска Ренова на три минути пред крајот се спаси во Гевгелија за да не испадне, па преку пенали со 3-4 славеше за пласман во следното коло, во најинтересниот и највозбудлвиот меч во оваа рунда. Кожув двапати водеше, со 1-0 и 3-2, но не успеа докрај да издржи за да го направи најголемото изненадување.
Шкупи без мака со хет-трик на Сержињо стигна до победа над Тетекс, Работнички и Силекс со по 4-0 го заверија пласманот понатаму. Во следната рунда оди и амбициозниот Осогово, кој го елиминира бишвиот првак и победник на Купот, Победа со трумфот со 1-0.
После комплетирањето на овие мечеви познати се 15 екипи кои ќе играат во осминафинале, а се чека на последниот дуел помеѓу Каменица Саса и Вардар закажан за идната среда
ДВОЈКИ ЗА ШЕСНАЕСТИНА-ФИНАЛЕ ВО КУПОТ
Фортуна – Силекс 0-4
Охрид – Беласица 5-4 на пенали, 1-1
Кожув – Ренова 3-4 на пенали, 3-3
Кравари – Лабуништа 1-4
Тетекс – Шкупи 1-5
Локомотива – Струга Трим Љум 1-5
Влазерими – Работнички 0-4
Превалец – Борец 0-4
Осогово – Победа 1-0
Гостивар – Шкендија 1-4
Каменица Саса – Вардар ќе играат на 28 август
ВЧЕРА
Кит Го – Пелистер 4-5 на пенали, 1-1
Љуботен – Тиквеш 1-5
ЗАВЧЕРА
Ново Црнилиште – Брегалница 0-22
слободни се екипите на Македонија ЃП и Академија Пандев