Баражи: Шкендија Арачиново во обид да му го земе местото на Осогово во Втората лига!

24 мај 2025 - 11:46

Денеска на програмата се бараж дуелите за пополнување на Втората македонска фудбалска лига (ВМФЛ), најинтересно ќе биде во Кавадарци каде ќе се сретнат Осогово и Шкендија Арачиново.

Осогово ќе се обиде да го задржи местото во Втората лига, а амбициозниот тим на Шкендија Арачиново да влезе во овој ранг на натпреварување.

Натпреварот се игра во Кавадарци, најавено е присуство на навивачки групи и на двата тима, па се очекува убава атмосфера на трибините, а голема борба на теренот.

Останатите два бараж дуели за влез во ВМФЛ се меѓу третолигашки екипи.

На стадионот во Ѓорче Петров се среќаваат Тетекс и Големо Коњари, а на тренинг центарот на ФФМ, „Петар Милошевски“ ќе играат Преспа и Слога Виница.

Сите три натпревари почнуваат од 17 часот.

Бараж мечеви за пополнување на ВМФЛ:

Кавадарци: Осогово - Шкендија Арачиново
Скопје: Тетекс - Големо Коњари
Скопје: Преспа - Слога Виница