Аргентинците во Вардар чекаа да дојде нивниот тренер сонародник - за да блеснат! (ВИДЕО)

04 април 2026 - 17:34

Вардар денеска одигра одличен натпревар против Македонија ЃП и славеше со 5-1, а посебно импресивни на теренот беа Аргентинците Диего Кастањеда и Хоакин Торес, кои блеснаа пред очите на нивниот сонародник Кристијан Фабиани кој од следната сезона ќе биде главен тренер на „црвено-црните“.

Аргентинците постигнаа дури три од петте погодоци против „лавовите“, и тоа два беа дело на Торес кој на крајот направи вистинска мајсторија, а едниот погодок беше дело на Кастањеда.

Кастањеда до денешниот дуел имаше постигнато само два погодоци и четири асистенции на 18 меча во Првата лига, додека Торес немаше ниту еден гол, туку една асистенција на шест настапи.