Општа тепачка на меч во Црна Гора: Тепале играч на носилка – паднале 10 црвени картони!

Ситуацијата ескалирала кога еден од фудбалерите на Беране, кој претходно бил заменет, прво се пресоблекол, па скокнал од трибините на терен и удрил противнички играч кој бил на носилка. Инцидентот ескалирал во голема тепачка во која учествувале и родители.

Главниот судија доделил десет црвени картони – шест на играчи од Стар Аеродром и четири на играчи од Беране, прекинот бил при водство на домаќините (1-0). Делегатот на натпреварот бил принуден да повика полиција за да се смири ситуацијата, по што сите учесници биле приведени.

Утврдено е дека натпреварот не бил обезбеден од полицијата, туку од приватна служба, која не успеала да спречи ескалација на насилството.