Хаџиевски по две децении пак ќе работи во Бугарија - презеде тим од Варна!

10 јули 2025 - 09:30

Легендарниот македонски тренер, Ѓоко Хаџиевски застана на кормилото на бугарскиот тим, Спартак од Варна, за Македонецот ова ќе биде трет тим од Бугарија на кој ќе биде тренер.

Ѓоко Хаџиевски е нов тренер на Спартак Варна, информираат бугарските медиуми.

Тој бил на стадионот на Спартак на пријателскиот меч против Септември. Влегол во соблекувалната и имал десетминутен разговор со фудбалерите и со членовите на управата.

За Хаџиевски ова е трет бугарски предизвик, тој во далечната 1993/94 ја водеше екипата на ЦСКА Софија, а во 2006/07 беше тренер на Вихрен Сандански.

Спартак Варна минатата сезона заврши на шестата позиција во регуларниот дел од најдобрата бугарска лига