Етеми игра во страшна форма – петти гол во последниве 40 дена! (ВИДЕО)

05 февруари 2023 - 13:33

Македонскиот репрезентативец Валон Етеми игра во страшна форма во изминативе нешто повеќе од еден месец, откако денеска го даде петтиот гол во овие 40-на дена од крајот на минатата година.

Етеми денеска постигна прекрасен гол против Аланијаспорт, откако погоди во 67-та минута од мечот за водство, а ова е негов петти погодок во изминатиов период откако на крајот на декември ѝ даде гол на Касимпаша, па погоди на 9 јануари со Газиантеп, на 15 јануари запиша гол и асистенција со Умранијспор, а на 29 јануари му даде гол и на Кајзериспор.

За Етеми ова е деветти сезонски гол за Истанбулспор во својата дебисезона во турската Суперлига, а има и три асистенции во 20 меча. Во минатата сезона во второлигашката конкуренција имаше помалку голови (седум), но повеќе асистнции (десет).

Истанбулспор ја запиша втората победа по ред со триумфот денеска со 2-1, но остана во црвената зона со 21 бод, трети одзади, но само бод од сигурната зона.