Цела Риека збесна од глупостите на Колинда: Има тешка дијагноза – дали е нормална?

28 октомври 2019 - 13:09

Хрватската претседателка Колинда Грабар Китаровиќ ја шокираше цела Хрватска откако реши малку да се позанимава со фудбалот, па посочи дека бившиот хрватски првак Риека бил резервен клуб на белградските великани Црвена Звезда и Партизан, а вистинската „хрватска припадност“ било навивањето за Хајдук и Динамо во последната деценија пред распадот на бивша Југославија.

Грабар-Китаровиќ со својата фудбалска анализа за „играта која била повеќе од фудбал во турбулентниот период“ предизвика жестоки реакции од Истра, особено од нејзините сограѓани од Риека, особено зашто Колинда е риечанка, па одела на мечеви на клубот во кој моментно член е македонскиот репрезентативец Дарко Велковски.

Прв што ја нападна претседателката беше градоначалникот на Риека, Војко Оберснел, а потоа следуваше серија на напади од фудбалски луѓе од Риека и навивачи.

„Откако од железната завеса со црвен пасош замина на школување во САД, КГК (Колинда Грабар-Китаровиќ – н.з.) ја навреди Риека дека била резервен српски клуб. Колкав е тој резервоар на глупости? Каде е крајот?“, напишал Обрснел.

Еден од навивачите на клубот, ја потсети претседателката дека во историјата на Риека, само двајца фудбалери играле или биле членови за белградските великани. Мирослав Шугар, кој е роден во Нови Сад бил член на Ц. Звезда, а Борис Тичиќ бил дел од Партизан, но не заиграл на ниту еден меч.

Па следеше во расправата потсетување за Грабар-Китаровиќ колку фудбалери од Динамо и Хајдук играле за српските гиганти, од Динамо – Томислав Ивковиќ, Рајко Јањанин, Миливој Брачун, Боро Цветковиќ, Роберт Просинечки...

„Изгледа Колинда има сериозна дијагноза, а сметам дека глупоста има своја граница“, напишала една навивачка од Истра.

„Жената едноставно не е нормална. Или сето ова свесно го прави само за да ги полни медиумите“, е коментар на друга навивачка.