„Врнат“ пари на Вимблдон - наградниот фонд зголемен на 50 милиони фунти

14 јуни 2024 - 09:27

На нешто повеќе од две недели пред почетокот на новото издание на Вимблдон, организаторите објавија дека овогодишниот награден фонд ќе достигне рекордни 50 милиони фунти што е зголемување за 5,3 милиони во однос на минатата година.

Победниците во машка и женска конкуренција ќе заработат по 2,7 милиони фунти што е зголемување за речиси 15 проценти. Оваа само ја одразува растечката популарност на тенисот во глобални рамки и претставува јасен сигнал дека тој е еден од најпопуларните спортови на планетата.

Претстојното издание на Вимблдон ќе се одржи од 1 до 14 јули. Титулата ќе ја брани Карлос Алкараз, а уште е неизвесен настапот на Новак Ѓоковиќ.