Тенисер збесна и со топче го нокаутира судијата - на поен пред победа (ВИДЕО)

03 октомври 2023 - 12:30

Последната рунда од квалификациите на мастерсот во Шангај донесе шокантна ситуација, каква што можеби досега не е видена во тенисот, откако еден од натпреварувачите во нервоза со сета сила удри по топчето по загубен поен, кое на негова несреќа заврши во лицето на главниот судија.

Егзекутор на овој нокаут беше Австралиецот Марк Полманс, кој при водство со 1-0 во сетови (7-6) во тај-брејкот во вториот сет против Стефано Наполитано (Италија) при меч-топка промаши лесен удар на мрежата, поради што збесна и неконтролирано замавна при што го погоди судијата в лице.

Тој веднаш беше дисквалификуван, а инцидентот беше далеку посериозна варијанта од тој на Ју-Ес опен пред неколку години, кога Новак Ѓоковиќ беше отстранет од турнирот кога не сакајќи со топче погоди еден од помошните судии.