Синер во три сета го декласира Бублик и обезбеди полуфинале на Ролан Гарос

04 јуни 2025 - 18:12

Италијанскиот тенисер Јаник Синер го декласира Александар Бублик со 3-0 во сетови, односно 6-1, 7-5 и 6-0 со што се пласира во полуфинале на Ролан Гарос, каде што ќе игра против победникот од мечот меѓу Александер Зверев и Новак Ѓоковиќ.

Синер ја најави победата уште на самиот старт, каде што доминираше и славеше со 6-1, додека тенисерот од Казахстан во вториот прикажа подобра игра и му парираше на Италијанецот, но и покрај тоа загуби со 5-7.

Првиот тенисер во светот беше фантастичен во третиот сет, додека Бублик не успеа да освои ниту гем (0-6).

Фото: EPA PHOTO