Синер се врати на терените со убедлива победа

10 мај 2025 - 22:13

По пауза од три месеци поради суспензија, Јаник Синер денеска официјално се врати на тениските терени, на Мастерсот во Рим.

Во својот прв меч, Италијанецот го победи Маријано Навоне од Аргентина со 2-0 (6-3, 6-4) за точно 100 минути игра. Во првиот сет му беше доволен брејк при водство од 2-1, а во вториот имаше фестивал од брејкови за при 5-4, Синер да одземе сервис на противниот и да дојде до победата.

Во третото коло, тој ќе игра со холандскиот тенисер Јеспер де Јонг кој направи изненадување, совладувајќи го Алехандро Давидович Фокина со 2-0.