Синер го совлада Микелсен и обезбеди четвртфинале во Мајами

24 март 2026 - 23:49

Италијанскиот тенисер Јаник Синер славеше со 2-0 во сетови, односно 7-5 и 7-6 против Алекс Микселсен со што се пласира во четвртфинале на мастерсот во Мајами.

Микелсен долго даваше отпор во првиот сет, а Синер успеа да направи брејк дури во 11. гем, по што сервираше за да го добие сетот со 7-5.

Синер имаше лош почеток на вториот сет, при што му дозволи на Микелсен да поведе со 5-2, но Американецот не ја искористи предноста, па вториот тенисер во светот успеа да ја врати неизвесноста и потоа во тај-брејк да слави со 7-4.

Фото: EPA