Шокантна изјава: Надал е најдобар на сите времиња и тоа на - сите подлоги!

Според неа, тој е најдобриот тенисер на сите времиња и тоа на сите подлоги.

„Сите зборуваат за неговите успеси на земјена подлога, но Надал е, всушност, најдобриот на сите површини. Освои две титули на Вимблдон, што не е мала работа. Не може секој да постигне такви резултати дури ни на една подлога“, изјави Швјонтек за „Атлетик“.

Шпанецот е познат како „кралот на земјата“ поради неговите неверојатни 14 титули на Ролан Гарос, но Швјонтек верува дека неговата игра е потценета на другите површини.

„Добро е да се види неговиот форхенд, начинот на кој користи спин за да направи разлика. Неговиот бекхенд е доста рамен. Имаме многу сличности, а јас сум негов голем фан, особено поради начинот на кој се однесува на теренот. Се обидувам да учам од него“, додаде Швјонтек.

И самата Полјачка има одлични резултати на земјени терени, но посакува да биде конкурентна на сите подлоги.

„Сите се фокусираат на мојата игра на земја, но јас уживам и на тврди терени. Чувствувам дека имам оружја за успех. Сакам да бидам добра на сите подлоги“, заклучи актуелната втора тенисерка во светот, која во кариерата има освоено 22 титули, вклучувајќи пет грен слемови.