Сабаленка и Бадоса лесно се изборија за второ коло на Австралијан опен

12 јануари 2025 - 11:49

Белоруската тенисерка Арина Сабаленка го почна Австралијан опен со убедлива победа од 2-0 во сетови, односно 6-3 и 6-2 против Американката Слоун Стивенс, додека Паола Бадоса славеше против Синју Ван со 6-3 и 7-6.

Првата тенисерка во светот до победа стигна за само 71 минута, откако пет пати ѝ го одзема сервисот на противничката од САД, па во второто коло ќе игра против Џесика Бусас Манеиро.

Бадоса беше одлична против Ван од Кина, па успеа да направи три брејка и си закажа пресметка против победничката од мечот меѓу Талија Гибсон и Зејнеп Сонмаз.