Руска тенисерка опцу во пренос кога слушна против кого ќе игра во следното коло (ВИДЕО)

18 јуни 2024 - 14:34

Русинката Дарија Касаткина важи за една од тенисерките кои не сакаат самоцензура, туку секогаш го кажуваат што што го мислат, па дури и ако тоа вклучува пцуење.

Моментално 14-та тенисерка во светот ја победи Марта Костјук на турнирот во Берлин (серија 500) и уште додека беше на теренот дозна дека нејзина следна противничка ќе биде Арина Сабаленка, актуелната шампионка на Австралија Опен. Тоа, најблаго кажано, не ѝ се допадна, особено што ги загуби последните три натпревари против истата ривалка.

„Сра*е“, рече таа гледајќи настрана и почна да се смее додека даваше изјава во живо.

Натпреварот помеѓу Касаткина и Сабаленка е закажан за утре, а тоа ќе биде прв меч на Белорусинката на трева и прв по поразот од Мира Андреева на Ролан Гарос.