Ни срам, ни перде: Шарапова влезе во Куќата на славните, ама - Серена ѝ го украде шоуто (ВИДЕО)

24 август 2025 - 09:40

Русинката Марија Шарапова ноќеска официјално беше примена во тениската Куќа на славните, што дефинитивно една од најголемите почести во овој спорт, на свеченоста на која нејзината најголема ривалка Серена Вилијамс, која ја врачи наградата, го одржа централниот говор и непотребно го сврте вниманието кон себе.

Иако беше најавено дека улогата на Американката е само симболично да ѝ ја предаде наградата, таа изненади со долг и емотивен настап. Серена истакна дека некогаш биле најголеми конкурентки, но дека обете имале иста цел – да бидат најдобри во светот. Во говорот дури се пошегува и со скорот меѓу нив двете, потсетувајќи дека од вкупно 22 меѓусебни дуели, победила 20 пати, вклучително и финалето на Олимписките игри. Таквиот настап не им се допадна на дел од навивачите на Шарапова, кои на социјалните мрежи коментираа дека Вилијамс требала да покаже повеќе почит кон моментот и да ѝ остави простор на славеничката.

И покрај тоа, церемонијата заврши во пријателски тон со прегратка и емотивен говор на Шарапова, кој предизвика солзи во публиката. Честитки до Шарапова испрати и Новак Ѓоковиќ, кој не присуствуваше на настанот, како и легендарните браќа Брајан, најуспешниот двојка-шампионски тандем во историјата на тенисот.

ФОТО: X / @boccardi_marioo