Надал лут: Со Ѓоковиќ ќе одиграме поен со 56 удари и после имаме само 25 секунди пауза
Според Надал, не е нормална кратката пауза за тенисерите да земат здив по еден (по)долг поен.
„За мене тоа не е идеална работа, ама ако е тоа правецот и желбата на луѓето кои го водат овој спорт, не ми преостанува ништо освен да го прифатам тоа и да играм. Јас затоа сум тука, за да ги прифатам правилата. Според нив, позитивната работа во целата приказна е дека ќе може да го контролираат времето помеѓу поените, но јас не се согласувам со нив. Од мое искуство, кога сте на терен публиката станува сè полуда, поемотивна и пострасна кога играте добри поени“, вели Надал.
Според него невозможно е да се очекува квалитетен и добар поен, како во случајот во дуелот со Новак Ѓоковиќ, кога одиграа 56 удари.
„Не знам, за мене тоа е потполно логично. Не може да очекувате добар поен откако јас и Новак ќе одиграме 56 удари, а потоа имаме само 25 секунди до следниот. Можеби оваа одлука е добра за 'бизнисот', за публиката дополнително да се вклучи, ама јас на сето тоа гледам многу негативно“, додава Надал.
Шпанецот е познат по неговите „ритуали“ како допирот на носот и некои делови од телото, поточно местењето на шорцот и сето тоа сега во пократок период веројатно ќе го прави уште понервозен.