Монфис потсети на најдобрите денови и го елиминираше Фриц (ВИДЕО)

18 јануари 2025 - 10:48

Францускиот ветеран Гаел Монфис потсети на најдобрите денови од неговата кариера и приреди изненадување на Австралија Опен совладувајќи го Американецот, Тејлор Фриц кој беше четврти носител на турнирот.

Монфис иако има 38 години успеа да одигра тенис три часа на високо ниво за победа од 3-1 во сетови (3-6, 7-5, 7-6, 6-4)

Не започна најдобро Монфис и го загуби првиот сет, но потоа успеа да ги освои наредните три за пласман во осминафиналето.

Во останатите мечеви елиминација доживеа Качанов кој беше поразен од Микелсен, Сонего од Иалија славеше над Марозан, Тиен беше подобар од Мутет, Шелтон го елиминираше Мусети, додека Австралиецот Де Минаур ја оправда фаворитската улога против Серундоло.