Медведев жестокот казнет за оралниот секс на терените во Њујорк!

28 август 2025 - 17:46

Поранешниот најдобар тенисер во светот и освојувач на Ју Ес опен од 2021 година, Данил Медведев, доби казна од 42.500 долари поради несоодветно однесување на мечот од првото коло против Французинот Бенџамен Бонзи.

Русинот ќе плати 30.000 долари за неспортско однесување и дополнителни 12.500 долари за кршење рекет. Инцидентот се случи во текот на третиот сет, кога дојде до прекин и жесток судир на Медведев со судијата и со публиката. Прекинот беше предизвикан од фотограф кој по грешка влезе на теренот мислејќи дека мечот е завршен, а главниот судија му дозволи на Бонзи повторен прв сервис.

Медведев жестоко протестираше: „Дали си човек? Зошто се тресеш? Очигледно си платен по меч, а не по час!“, изјави тој кон судијата, по што навивачите почнаа да го исвиркуваат.

Иако успеа да се врати и да го освои третиот сет во тај-брејк, а потоа и убедливо четвртиот со 6-0, Русинот не ја задржа предноста. Бонзи го доби решавачкиот сет со 6-4 и обезбеди пласман во второто коло. По поразот, Медведев влезе во нов конфликт со публиката, искрши рекет и со рацете направи непристоест гест (симулација на орален секс) кон трибините, со што го заокружи својот скандалозен настап во Њујорк.