Мајката на Ѓоковиќ порача: Сè ви беше добро додека Новак не стана најдобар!

Дијана Ѓоковиќ, мајката на најдобриот тенисер во светот Новак, за светски познат магазин даде интервју во кое зборуваше за моментите од кариерата на Србинот.

Мајката на Новак кажа дека не е фер тоа што публиката повеќе ги почитува Надал и Федерер, а тоа не го прави и со Ѓоковиќ.

„Новак постојано работи на себе, посебно кога игра со Надал или Федерер, зашто тоа се посебни натпревари. Ми кажа дека ќе биде тешко против Федерер на претпоследниот вимблдон, зашто не е првпат да навиваат сите за Швајцарецот. Чувствувам како публиката повеќе ги почитува Федерер и Надал, а тоа не го прави со Новак. Го почуствував тоа во Австралија, Њујорк, Лондон, Париз... Не знам што е разликата, едноставно луѓето не го почитуваат. На сите им беше добар Новак додека не стана најдобар. Јас сакам да ми е детето само здраво и претпоставувам дека може да игра најмалку до 35 години“, порача Дијана.